Արմինֆո.2024 թվականի դեկտեմբերի դրությամբ Հայաստանի արդյունաբերական հատվածի տարեկան աճի տեմպերն արագացել են 2,1%-ից մինչև 7,6% ՝ գերազանցելով 2,6 տրլն դրամ ծավալը  (6.8 մլրդ դոլար)։ Ընդ որում, միայն նոյեմբերին արդյունաբերությունը ցույց է տվել 0,5%  անկում՝ մինչեւ 274.1 մլրդ դրամ (704.8 մլն դոլար)։ Այդ մասին են վկայում ՀՀ վիճակագրական կոմիտեի տվյալները։

Արմինֆո. Հայաստանի իշխանությունները խստացնում են պայմանագրային զինծառայողներին բնակարաններով ապահովման պայմանները։ Հայաստանի կառավարությունը՝ ի դեմս Ֆինանսների նախարարության, առաջարկում է պահպանել ծառայության վայրի վարչական տարածքից առնվազն 60 կմ հեռավորության վրա (գործող 30 կմ-ի փոխարեն) բնակելի տարածք չունեցող զինծառայողների համար ծառայողական բնակարանով ապահովելու կամ ամսական դրամական փոխհատուցում ստանալու իրավունքը կամ մշտական (փաստացի) գրանցումը: "Զինվորական ծառայության և զինծառայողի կարգավիճակի մասին" ՀՀ օրենքում փոփոխություններ կատարելու մասին օրենքի նախագիծը տեղադրված է իրավական ակտերի միասնական պորտալում:

Արմինֆո. 2024 թվականի հունվար-դեկտեմբեր ամիսներին Հայաստանի սպառողական շուկայում արձանագրվել է 1,5% գնաճ (2023 թվականի 0,6% գնանկման դիմաց)։ Դա պայմանավորված էր սննդամթերքի 2,2% թանկացմամբ և ծառայությունների սակագների 2,5% բարձրացմամբ՝ ոչ պարենային ապրանքների 1,8% էժանացման դեպքում, մինչդեռ, մեկ տարի առաջ բոլոր երեք կատեգորիաներն էլ ավելի նկատելի թանկացել էին, համապատասխանաբար՝ 3,5%, 3% և 0,1%: Այդ մասին են վկայում ՀՀ վիճակագրական կոմիտեի տվյալները, որոնց համաձայն, 2024 թվականի հունվար-դեկտեմբեր ամիսներին սպառողական գների միջին ամսական աճը կազմել է 0,1 տոկոս՝ 2023 թվականի 0,1 տոկոս անկման դիմաց։

Արմինֆո. Հայաստանում տնտեսական ակտիվության աճը 2024թ. հունվար-նոյեմբեր ամիսներին դանդաղել է մինչև տարեկան  7,4% (2023թ. նույն ժամանակահատվածի 9,4% - ից) ։ Այդ մասին են վկայում ՀՀ վիճակագրական կոմիտեի վերջնական տվյալները, որոնց համաձայն, սկսել է վատթարանալ նաև արտահանման և ներմուծման դինամիկան։

Արմինֆո. 2024 թվականի 3-րդ եռամսյակում Հայաստանում գործազրկության մակարդակը կազմել է 13,3% ՝ 2023 թվականի նույն ժամանակահատվածի 12%-ի դիմաց։ Այդ մասին են վկայում ՀՀ վիճակագրական կոմիտեի տվյալները։

Արմինֆո. Չնայած Հայաստանում առկա աշխատանքային գրաֆիկի ձևաչափին՝ տնտեսական աճը մնում է աննշան, և, նույնիսկ, հաշվի առնելով համախառն ներքին արդյունքի (ՀՆԱ) աճը, երկրի բնակիչները չեն զգում դրա դրական ազդեցությունն իրենց կյանքի վրա: Այդ մասին հայտարարել է Հայաստանի արհմիությունների կոնֆեդերացիայի նախագահ Էլեն Մանասարյանը՝ ութժամյա աշխատանքային օրվանից յոթժամյա աշխատանքային օրվա անցնելու ռիսկերի քննարկմանը նվիրված մամուլի ասուլիսում:

Արմինֆո.2025թ. առաջին վեց օրերի տվյալներով 2024-ի նույն օրերի համեմատ օդային տրանսպորտով ՀՀ ժամանած ուղեւորների թիվը աճել է 19.8 տոկոսով։ Այդ մասին հաղորդել է վարչապետ Նիկոլ Փաշինյանը:

Արմինֆո. ՀՀ էկոնոմիկայի նախարար Գևորգ Պապոյանը հունվարի 9-ին այցելել է «Մայլեռ Մաունթին Ռեզորթ» լեռնադահուկային մարզահամալիր, որտեղ նախարարի գլխավորությամբ կայացել է Ազատ տնտեսական գոտիների հարցերով միջգերատեսչական հանձնաժողովի արտագնա հերթական նիստը։

Արմինֆո.ՀՀ ՏԿԵ նախարար Դավիթ Խուդաթյանն ընդունել է Համաշխարհային բանկի հայաստանյան գրասենյակի ղեկավար Կարոլին Գեգինատի գլխավորած պատվիրակությանը։

Արմինֆո.

Արմինֆո.

Արմինֆո.

Արմինֆո.

Արմինֆո. 2024թ. դեկտեմբերի 25-ի դրությամբ Հայաստանի օդանավակայանները սպասարկել են 5 251 932 ուղևորի, ինչը 3% - ով զիջում է մեկ տարվա վաղեմության ցուցանիշին: Այդ մասին հունվարի 9-ին մամուլի ասուլիսի ժամանակ հայտարարել է ՀՀ տարածքային կառավարման եւ ենթակառուցվածքների նախարար Դավիթ Խուդաթյանը։ Ընդ որում, նա նշել է, որ օդային տրանսպորտով բեռնափոխադրումների ծավալը կազմել է 41 470 տոննա (տարեկան 22,1% աճ):

Արմինֆո. Մենք քննարկում ենք ատոմակայանի կառուցման վերաբերյալ ոչ միայն ՌԴ-ից և ԱՄՆ-ից ,այլև այլ երկրներից ստացված առաջարկությունները՝ հաշվի առնելով դրանց ֆինանսական, տնտեսական բաղադրիչները, ինչպես նաև իրականացման հնարավոր ժամկետները։ Այս մասին հունվարի 9-ին մամուլի ասուլիսի ժամանակ հայտարարել է ՀՀ տարածքային կառավարման եւ ենթակառուցվածքների նախարար Դավիթ Խուդաթյանը։

Արմինֆո. Վերջին երեք տարիների ընթացքում ՀՀ պետական վերահսկողական ծառայության կողմից ՀՀ պետական բյուջե վերականգնված միջոցների ծավալներն աճել են 100 անգամ: Այդ մասին հունվարի 9-ին լրագրողներին հաղորդել է ծառայության ղեկավար Ռոմանոս Պետրոսյանը։

Արմինֆո. Այսօր կառավարության նիստում գործադիրը հավանություն է տվել «Հայաստանի Հանրապետության և Եվրոպական ներդրումային բանկի միջև «Երևանի էներգաարդյունավետության երկրորդ ծրագիր» ներդրումային դրամաշնորհային համաձայնագիրը վավերացնելու մասին» ՀՀ օրենքի նախագծին:

Արմինֆո. ՀՀ կառավարությունը հունվարի 9-ի հերթական նիստում հավանություն է տվել Հայաստանի Հանրապետության և Եվրոպական ներդրումային բանկի միջև 236 մլն եվրո բյուջեով «Հայաստան. Սիսիան-Քաջարան ճանապարհահատվածի ծրագիր» Կայուն զարգացման եվրոպական հիմնադրամ + Հատուկ ներդրումային պատուհան 1» ֆինանսական պայմանագիրը վավերացնելու մասին օրենքի նախագծին:

Արմինֆո. 2024 թվականին շարունակվել է «Հարավկովկասյան երկաթուղի» ընկերության ուղևորափոխադրումների ծառայություններից օգտվող ՀՀ քաղաքացիների և հյուրերի թվի աճը։

Արմինֆո.