Արմինֆո. Ամերիաբանկը և Զարգացման ֆրանսիական գործակալության (AFD Group) դուստր ձեռնարկություն Proparco-ն ստորագրել են 75 միլիոն եվրոյի վարկային պայմանագիր: Պայմանագիրը, որն ստորագրվել է Ֆրանսիայի նախագահ Էմանուել Մակրոնի՝ Հայաստան կատարած պետական այցի շրջանակներում, նպատակ ունի աջակցելու Հայաստանի գյուղատնտեսությանը, ինչպես նաև միկրո, փոքր և միջին ձեռնարկատիրություններին (ՄՓՄՁ):

Արմինֆո. Հայաստանի ապահովագրական ընկերությունները, բարելավելով ապահովագրավճարների դինամիկան, կարողացել են պահպանել շահույթի աճի բարձր տեմպերը։ Այսպես, 2026թ. առաջին եռամսյակում ապահովագրավճարների տարեկան դինամիկայի 7% անկումից 3% աճի հասնելը թույլ է տվել ապահովել զուտ շահույթի 77,4% աճ (մեկ տարի առաջվա 82,3% աճի դիմաց)։ Բայց շահույթի աճի որոշ չափով դանդաղումը բացատրվում է ապահովագրական փոխհատուցումների դինամիկայի ավելի ցայտուն բարելավմամբ՝ 0,2% անկումից մինչև 19,4% աճ: Այդ մասին են վկայում ԱրմԻնֆո-ի պատրաստած Հայաստանի ապահովագրական ընկերությունների ֆինանսական վարկանիշի 31.03.2026 թ. տվյալները, որոնք հիմնված են հրապարակված ֆինանսական հաշվետվությունների և ԱԸ-ներից լրացուցիչ պահանջված ցուցանիշների վրա:

Արմինֆո.Երևանում հանդիպում է տեղի ունեցել Թուրքմենստանի արտաքին գործերի փոխնախարար Ահմեթ Կուրբանովի և ՀՀ արտաքին գործերի փոխնախարար Մնացական Սաֆարյանի միջև։

Արմինֆո.Հայաստանում կշարունակվի համայնքների խոշորացման գործընթացը։ ՀՀ Ազգային ժողովը մայիսի 6-ի լիագումար նիստում քննարկում է ՀՀ կառավարության կողմից առաջին ընթերցմամբ ներկայացված "Վարչատարածքային բաժանման մասին" օրենքի փոփոխությունները:

Արմինֆո.  Այս օրերին Միացյալ Նահանգներում է հայ գործարարների պատվիրակությունը՝ մասնակցելու SelectUSA համաժողովին, որը մայրաքաղաք Վաշինգտոն է բերել ագրոբիզնեսի, դեղագործության, պարենային արտադրության, ֆինանսական խորհրդատվության և ՏՏ անվտանգության առաջատար ընկերությունների գործադիր պաշտոնյաների՝ ԱՄՆ շուկայում ընդլայնման ու ներդրումների հեռանկարները դիտարկելու նպատակով։ Այդ մասին հաղորդում է Հայաստանում ԱՄՆ դեսպանատունը։

Արմինֆո.  Ֆրանսիան մտադիր է ավելի ակտիվ մասնակցել Հայաստանում ներդրումային ծրագրերին և նպաստել Հայաստանի տնտեսության դիվերսիֆիկացմանը։ Ազգային ժողովի մայիսի 6-ի լիագումար նիստում քննարկվում է ՀՀ կառավարության կողմից վավերացման ներկայացված Ֆրանսիայի Հանրապետության կառավարության հետ 2018 թվականի մայիսի 28-ի համաձայնագրում փոփոխություններ և լրացումներ կատարելու մասին արձանագրությունը:

Արմինֆո.Առաջիկա ժամանակահատվածում երկրում գնաճի արագացմանը կարող է նպաստել էներգակիրների գների զգալի աճը, ինչպես նաև մատակարարման շղթաների խափանումները և առևտրային ուղիների հնարավոր փոփոխությունները: Այս մասին նշվում է վերաֆինանսավորման տոկոսադրույքը 6,5% մակարդակում պահպանելու վերաբերյալ ՀՀ Կենտրոնական բանկի մայիսի 5-ի որոշման հիմնավորման մեջ:

Արմինֆո.Հայաստանը բաց է էմիրաթական ներդրումների համար լոգիստիկայի, ենթակառուցվածքների, վերականգնվող էներգետիկայի, զբոսաշրջության, բարձր տեխնոլոգիաների, գյուղատնտեսության, արդյունաբերության և այլ ուղղություններով։ Այս մասին ասել է ՀՀ էկոնոմիկայի նախարար Գևորգ Պապոյանը՝ Միացյալ Արաբական Էմիրությունների (ՄԱԷ) արտաքին գործերի նախարարի առաջադեմ գիտության և տեխնոլոգիաների հարցերով տեղակալ Օմրան Շարաֆի և Հայաստանում ՄԱԷ դեսպան Նարիման Ալ-Մուլլայի հետ հանդիպման ժամանակ։

Արմինֆո.Հայաստանի Կենտրոնական բանկը ենթադրում է, որ կայուն ներքին պահանջարկը կպահպանվի բարձր մակարդակի վրա ՝ պայմանավորված մի քանի գործոնների առկայությամբ․ միջին եկամտի աճ, խնայողությունների աճ, ՀՆԱ-ում մինչև առավելագույն 23 տոկոս աճ, սպառողական վարկերի աճ (մի մասը կապված է հիփոթեքի հետ)։ Ընդ որում, հաշվի է առնվում ծառայությունների ոլորտում գնաճը։ Մայիսի 5-ին մամուլի ասուլիսի ժամանակ նման կարծիք հայտնել է ՀՀ ԿԲ նախագահի տեղակալ Հովհաննես Խաչատրյանը։

Արմինֆո. Հայաստանն ու Եվրամիությունը ստորագրել են տրանսպորտային ենթակառուցվածքների ոլորտում գործընկերության մասին համատեղ հռչակագիր: Փաստաթուղթը ստորագրվել է 2026 թվականի մայիսի 5-ին Երևանում կայացած Հայաստան-ԵՄ առաջին գագաթնաժողովի շրջանակում։

Արմինֆո. Մարտին Գալստյանը վերընտրվել է ՀՀ Կենտրոնական բանկի նախագահի պաշտոնում: Այդ մասին հայտնի է դարձել ՀՀ Ազգային ժողովում անցկացված գաղտնի քվեարկության արդյունքում:

Արմինֆո. ԵՄ-ը հույս ունի, որ Հայաստանի համար 270 մլն եվրո արժողությամբ կայունության և աճի ծրագիրը ևս 2,5 մլրդ եվրո ներդրում կներգրավի հանրապետությունում: Այդ մասին հայտարարել է Եվրոպական հանձնաժողովի նախագահ Ուրսուլա ֆոն դեր Լայենը՝ ամփոփելով Հայաստան-ԵՄ առաջին գագաթնաժողովի արդյունքները։

Արմինֆո.Հայաստանի բանկային հատվածում ռիսկի տարբերագինն էապես նվազել է։ Այդ մասին մայիսի 5-ին ՀՀ Ազգային ժողովի ամբիոնից հայտարարել է ՀՀ Կենտրոնական բանկի նախագահ Մարտին Գալստյանը։

Արմինֆո. Հայաստանի Կենտրոնական բանկը նախընտրել է վերաֆինանսավորման տոկոսադրույքը պահպանել 6,5% մակարդակում: Նման որոշում է կայացվել մայիսի 5-ին ՀՀ ԿԲ խորհրդի նիստում, որի համաձայն՝ անփոփոխ են մնացել նաև լոմբարդային ռեպոյի (8%) և բանկերից ներգրավվող ավանդների (5%) դրույքաչափերը:

Արմինֆո. Lion Finance Group-ը (LFG) ազդարարեց իր ընդգրկումը FTSE 100 ինդեքսում՝ շուկայի փակումից հետո հնչեցնելով Լոնդոնի ֆոնդային բորսայի զանգը։

Արմինֆո. Հայաստանի Կենտրոնական բանկի կողմից ընդունված մակրոտնտեսական կայունության կառավարման նոր կառուցվածքը ճանաչվել է որպես լավագույն ստանդարտ աշխարհում։ Այս մասին մայիսի 5-ին Ազգային ժողովի ամբիոնից հայտարարեց ՀՀ Կենտրոնական բանկի նախագահ Մարտին Գալստյանը, որի թեկնածությունը ԿԲ ղեկավարի պաշտոնում վերստին առաջադրվել է երկրի իշխող «Քաղաքացիական պայմանագիր» խմբակցության կողմից։

Արմինֆո. ԱՐԱՐԱՏԲԱՆԿ ԲԲԸ-ն տեղեկացնում է, որ մայիսի 5-ից ԱրարատԲանկի վարչության նախագահ, գործադիր տնօրեն է նշանակվել Վախթանգ Աբրահամյանը։ Վերջինս բանկային և ֆինանսական ոլորտի բարձր օղակի ղեկավար է՝ ՀՀ կենտրոնական բանկում, ֆինանսական ենթակառուցվածքների և զարգացող թվային ֆինանսների փոխկապակցված ոլորտներում շուրջ 30 տարվա ղեկավարման փորձով:

Արմինֆո.  2026 թվականի հունվար-ապրիլին Ռուսաստանից Հայաստան Ադրբեջանի և Վրաստանի տարածքով երկաթուղային բեռնափոխադրումների ծավալը կազմել է 21,6 հազար տոննա։

Արմինֆո. Հայաստանի ապահովագրական հատվածը 2026թ.առաջին եռամսյակում ավելացրել է զուտ շահույթը տարեկան 77,4%-ով (մեկ տարի առաջվա 82,3% աճի դիմաց) ՝ ապահովելով այն 1,4 մլրդ դրամի (3,8 մլն դոլար) մակարդակում։ Սա մեկ տարի առաջ բարձրացված սակագների շարունակական ազդեցության արդյունքն է, ինչի ֆոնին ապահովագրավճարների և փոխհատուցումների տարեկան դինամիկան հասել է աճի։ Այդ մասին են վկայում Արմաինֆո ԼԳ Հայաստանի ապահովագրական ընկերությունների ֆինանսական վարկանիշի  31.03.2026թ. տվյալները, որոնք հիմնված են հրապարակված ֆինանսական հաշվետվությունների և ԱԸ-ներից լրացուցիչ պահանջված տվյալների  վրա։

Արմինֆո.  Հայաստանի համախառն միջազգային պահուստները (ՀՄՊ) 2026թ. ապրիլին աճել են տարեկան 41,2%-ով կամ 1.618 մլրդ դոլարով՝ սահմանելով նոր ռեկորդ՝ 5.544 մլրդ դոլար, մինչդեռ, 2025թ. նույն ժամանակահատվածում աճը համեստ է եղել՝ 18,8%-ով կամ 622.2 մլն դոլարով՝ մինչև 3.926 մլրդ դոլար: Միայն մարտ ամսին ՀՄՊ-ն աճել է աննշան՝ 0,4% - ով (կամ 22.9 մլն դոլարով)՝ մեկ տարի առաջ նույն ամսվա 16,5% (կամ  554.7 մլնդոլար) երկնիշ աճի դիմաց։ Ա