Արմինֆո. «Հայաստանի զարգացման նախաձեռնություններ» (IDeA) հիմնադրամը մեկնարկում է Գյումրու Բարեկամության այգու ռեկրեացիոն ենթակառուցվածքի ճարտարապետական լուծումների մշակման միջազգային բաց մրցույթը: Հայտերը կընդունվեն 2020 թ.-ի հուլիսի 1-29-ը:

Արմինֆո. ԱԳԲԱ Լիզինգը, համագործակցելով «Մուրան» ընկերության հետ, իր «Գրին Լիզինգ» ենթաբրենդի ներքո շարունակում է ընդլայնել Հայաստանում էլեկտրոմոբիլների ձեռքբերման հնարավորությունները: Ինչպես տեղեկացնում է ACBA-Credit Agricole Բանկի մամուլի ծառայությունը, համագործակցության շրջանակում ԱԳԲԱ Լիզինգի միջոցով այսուհետ հնարավոր կլինի ձեռք բերել Nissan Leaf էլեկտրոմոբիլ` մինչև 5 տարի մարման ժամկետով:

Արմինֆո. Հուլիսի 1-ին Ամուլսարի հանք տանող ճանապարհին գտնվող ակտիվիստների պահակակետի տարածքում լարված իրավիճակ է ստեղծվել:

Արմինֆո.

Արմինֆո. Beeline-ի կորպորատիվ հաճախորդների համար նախատեսված PRO սակագնային փաթեթներն էլ ավելի գրավիչ են դարձել:  Հաճախորդները նույն, կամ նույնիսկ քիչ ամվսավճարի դիմաց կստանան. էլ ավելի շատ ներառված րոպեներ դեպի ՀՀ, ԼՂՀ, ԱՄՆ և Կանադայի բոլոր ցանցեր, Beeline ՌԴ ցանց,  էլ ավելի շատ գերարագ ինտերնետ, ինչպես նաև, ամենապահանջված բջջային հավելվածների ցանկին՝ առանց ինտերնետի տարիֆիկացման, ավելացել է Zoom հավելվածը։

Արմինֆո. ՎՏԲ-Հայաստան Բանկը սկսում է արտոնյալ վարկերի տրամադրումը փոքր բիզնեսին` ՀՀ  Կառավարության COVID19-ի տնտեսական  հետևանքների չեզոքացման 3-րդ միջոցառման շրջանակներում, որն իրականացվում է ՀՀ էկոնոմիկայի նախարարության և «Ներդրումների աջակցման կենտրոն» հիմնադրամի հետ համատեղ։

Արմինֆո. Եվրասիական զարգացման բանկի (ԵԱԶԲ) խորհուրդը հունիսի 30-ին կայացած նիստի ընթացքում տեսակոնֆերանսի ռեժիմով հաստատել է ԵԱԶԲ թվային նախաձեռնությունների հիմնադրամի մասին դրույթը: Այս մասին հաղորդում է բանկի մամուլի ծառայությունը: "Նոր հիմնադրամի նպատակն է աջակցել Բանկի մասնակից երկրներին թվային փոխակերպման գործիքների եւ պրակտիկաների ձեւավորման գործում ՝ նրանց տեղեկատվական ռեսուրսների ինտեգրման եւ նախագծերի մշակմանն ու ֆինանսավորմանը մասնակցելու միջոցով, այդ թվում ՝ Եվրասիական տնտեսական միության մինչեւ 2025թ.թվային օրակարգի հիմնական ուղղությունների շրջանակներում իրականացվող նախագծերի  շրջանակներում", - ասված է հաղորդագրության մեջ:

Արմինֆո.

Արմինֆո. Հայաստանի Կենտրոնական բանկի նորացված կանխատեսման համաձայն, 2020 թվականին գործազրկության մակարդակը կկազմի 20,4 տոկոս, որից հետո տնտեսության դանդաղ վերականգնմանը կհաջորդի միջնաժամկետ հեռանկարում այդ ցուցանիշի տարեկան նվազումը 0,3-0,5 տոկոսային կետով՝ մինչեւ 19,6 տոկոս (նախկինում ակնկալվող 17,3 տոկոսի դիմաց ՝ տարեկան 0,8 - 1,2 տոկոսային կետով անկումից հետո): Այս կանխատեսումը ներկայացվում է հունիսի 30-ին հրապարակված ՀՀ ԿԲ դրամավարկային քաղաքականության 2020 թվականի II եռամսյակի ծրագրում, որտեղ նշված է նաև 2020թ. ՀՆԱ-ի կանխատեսման վատթարացման մասին՝ դեպի  4% անկում դինամիկայի շրջադարձով (նախկինում ակնկալվող 0,7% լճացման դիմաց)։

Արմինֆո.

Արմինֆո. Հայաստանում Ճապոնիայի դեսպան Ջուն Յամադան և ՀՀ ֆինանսների նախարար Ատոմ Ջանջուղազյանը հունիսի 30-ին ստորագրել են հայտագրերի փոխանակում՝ «Տնտեսական և սոցիալական զարգացման ծրագիր» Ճապոնիայի դրամաշնորհային աջակցության համար: Հայտագրերի փոխանակումը Հայաստանի Հանրապետությանը ճապոնական բժշկական սարքավորումների տրամադրման համար է:

Արմինֆո.  Հայաստանի ֆոնդային բորսայում (AMX) ցուցակվել են «Արդշինբանկ» ՓԲԸ-ի եվրապարտատոմսերը (XS2080321198), որոնք միջազգային կապիտալի շուկայում թողարկել է «Դիլիջան ֆայնենս Բ. Վ.» ընկերությունը 2020թ․-ի հունվարին։

Արմինֆո. Տվյալ պահին Հայաստանի ֆինանսաբանկային համակարգը բավականին կայուն է եւ կապիտալացված, բայց սցենարների զարգացումը կորոնավիրուսի երկրորդ եւ երրորդ բռնկումների դեպքում կարող է մեծ դժվարություններ ստեղծել համաշխարհային տնտեսության եւ, մասնավորապես, Հայաստանի տնտեսության համար: Այս մասին հունիսի 30-ին կայացած մամուլի ասուլիսի ժամանակ հայտարարել է Հայաստանի Կենտրոնական բանկի նախագահ Մարտին Գալստյանը։

Արմինֆո.  Հայաստանի Կենտրոնական բանկի նոր կանխատեսումը նախանշում է 2020թ. ՀՆԱ-ի 4% անկում՝ 2021թ. հասնելով 5,5% աճի: Դա շարադրված է Կենտրոնական բանկի 2020թ. երկրորդ եռամսյակի դրամավարկային քաղաքականության ծրագրում, որը հրապարակվել է այսօր, ինչի կապակցությամբ ԿԲ ղեկավար Մարտին Գալստյանը մամուլի ասուլիս էր հրավիրել։

Արմինֆո.  Հայաստանի կենտրոնական բանկի 2020 թվականի նոր կանխատեսման համաձայն, պետբյուջեի դեֆիցիտի հարաբերակցությունը ՀՆԱ-ի նկատմամբ կկազմի 5 տոկոս (2019թ.փաստացի 1 տոկոսի դիմաց): Ինչպես նշվում է ԿԲ- II եռամսյակի դրամավարկային քաղաքականության ծրագրում, այդպիսի մակարդակ է ակնկալվում  2020 թվականի համար ՀՆԱ-ի մինչև 4% անկում վատթարացված կանխատեսման պայմաններում (2019թ. փաստացի 7,6% աճի դիմաց):

Արմինֆո. Չնայած տնտեսական աճի ցուցանիշների սպասվող բացասական փոփոխությանը, անկախ կորոնավիրուսային իրավիճակից, պետական բյուջեով նախատեսված հիմնական ծրագրերի իրականացումը չի տուժել։ ԱրմԻնֆո-ին այդպիսի կարծիք է հայտնել "Իմ քայլը" խմբակցությունից  տնտեսական հարցերի մշտական հանձնաժողովի անդամ Գևորգ Պապոյանը։

Արմինֆո. Վերակառուցման եւ զարգացման եվրոպական բանկը (EBRD) եւ Եվրոպական միությունը (ԵՄ) համատեղում են ջանքերը կանաչ ֆինանսավորումը խթանելու համար, այսինքն ՝ կապահովեն կանաչ, նորարարական ներդրումների ֆինանսավորումն ու աջակցությունը: Ինչպես նշվում է ՎԶԵԲ-ի հաղորդագրության մեջ, Եգիպտոսը, Մարոկկոն եւ Արեւելյան գործընկերության երկրները (Հայաստան, Ադրբեջան, Բելառուս, Վրաստան, Մոլդովա եւ Ուկրաինա) կշահեն նոր կլիմայական ֆինանսավորումից եւ տեխնիկական աջակցությունից: Ընդ որում, հաղորդագրության մեջ նշված է, որ շահառուները պետք է միջոցներ ձեռնարկեն էներգաարդյունավետության բարձրացման ուղղությամբ, կրճատեն էներգետիկ ծախսերը եւ աջակցեն ցիկլային տնտեսությանը: Այսպիսով՝ EBRD-ն եւ ԵՄ-ն ակտիվացնում են իրենց աջակցությունը կանաչ ներդրումներին եւ կլիմայի կայունությանը Եգիպտոսում, Մարոկկոյում եւ Արեւելյան գործընկերության երկրներում:

Արմինֆո.

Արմինֆո.  Լիդիան Արմենիա ընկերության կողմից տեղի է ունեցել Ամուլսարի ծրագրի տարածքի պահանորդային ծառայություն իրականացնող ընկերության փոփոխություն: Այս մասին ասվում է ընկերության հաղորդագրությունում։

Արմինֆո. Պետական եկամուտների կոմիտեն տեղեկացնում է, որ լրանում է Եվրասիական տնտեսական միության տարածք բժշկական և գյուղատնտեսական նշանակության որոշ ապրանքներ առանց մաքսատուրքի ներմուծելու արտոնության ժամկետը: Ինչպես ՊԵԿ-ը ժամանակին հայտնել էր, կորոնավիրուսի կանխարգելման միջոցառումների շրջանակում, ԵՏՀ 03.04.2020թ․ թիվ 33 որոշման համաձայն, 2020թ. ապրիլի 1-ից մինչև հունիսի 30-ը ներառյալ «Բացթողում` ներքին սպառման համար» մաքսային ընթացակարգով ապրանքային հայտարարագիր գրանցելու դեպքում մաքսատուրքից ազատվում են ցանկում ներկայացված ապրանքները: