Արմինֆո.Հայաստանի էկոնոմիկայի նախարարությունը մտադիր է ենթակառուցվածքային աջակցություն ցուցաբերել բիզնեսին ներդրումային նախագծերի իրականացման գործում: Այդ մասին Հանրային հեռուստատեսությամբ հեռարձակված հարցազրույցում հայտարարել է էկոնոմիկայի նախարար Վահան Քերոբյանը։
Մասնավորապես, նա հաղորդել Է, որ շուտով կառավարության հավանությանը կներկայացվի համապատասխան օրինագիծ, որի համաձայն, Հայաստանում տնտեսական գործունեություն ծավալելու ցանկություն ունեցող ցանկացած բիզնես կստանա պետական աջակցություն: Մասնավորապես, նախարարի խոսքով, ենթակառուցվածքային աջակցությունը տրամադրվելու է ճանապարհաշինության, էլեկտրագծերով, կոմունալ հարմարություններով ապահովման տեսքով և այլ ուղղություններով։
Քերոբյանը պատմել է, որ Հայաստանում աջակցության նման մոդել կիրառվում է միայն զբոսաշրջության ոլորտում: "Այսինքն, մենք մտադիր ենք իրական նյութական օգնություն ցուցաբերել ներդրումային նախագծերին", - ասել է նախարարի պաշտոնակատարը:
