Արմինֆո. Ըստ ամերիկյան Forbes պարբերականի 2026 թվականի տվյալների՝ Սամվել Կարապետյանի կարողությունը 1 տարվա ընթացքում աճել է 900 մլն դոլարով՝ կազմելով 4.1 մլրդ ԱՄՆ դոլլար: Այդ մասին Facebook-ի իր էջում գրել է "Ուժեղ Հայաստան" կուսակցության քաղաքական խորհրդի անդամ Նարեկ Կարապետյանը ՝ հրապարակելով Forbes-ի համապատասխան հոդվածը:
"Շա՞տ գիտեք մարդ, ով կալանքի տակ հաջողել է համարյա 1 մլրդ դոլլարով կարողություն ավելացնել: Պատկերացրեք որտեղ կբարձրացնի երկրում ապրելու մակարդակը երբ լինի Հայաստանի վարչապետը: Փոփոխության ժամանակն է",- հավելել Է Կարապետյանը։
Forbes-ի հրապարակման մեջ նշվում է, որ Սամվել Կարապետյանի կարողությունը 2025 թվականի 3,2 միլիարդ դոլարից 2026 թվականին հասել է 4,1 միլիարդ դոլարի: Նշվում է, որ նրան է պատկանում է կոմերցիոն անշարժ գույքի զարգացմամբ զբաղվող Tashir Holding ընկերությանը, որի շրջանառությունը կազմում է 2,8 մլրդ դոլար: "Գազպրոմ" - ի երկարամյա ենթակապալառու "Տաշիր" ընկերությունը պետական պայմանագրեր ունի նաեւ Մոսկվայի կենտրոնական փողոցների լուսավորության շուրջ: Կարապետյանի որդին ՝ Սարգիսը, և դուստրը ՝ Տաթևիկը, "Տաշիր" ընկերության թոփ մենեջերներն են։ Տաթևիկը պատասխանատու է կինոթատրոնների ցանցի զարգացման համար։ Կարապետյանը կառուցել է առևտրի կենտրոններ, ձեռք բերել էլեկտրաէներգետիկական ընկերություն և Հայաստանի խոշորագույն էլեկտրակայաններից մեկը։
Հիշեցնենք, որ գործարարը կալանավորվել էր 2025 թվականի հունիսին՝ Հայոց եկեղեցու պաշտպանությանն ուղղված հայտարարություններից հետո ։ Նախորդ տարվա դեկտեմբերին Սամվել Կարապետյանի խափանման միջոցը փոխվել է տնային կալանքի:
Ավելի վաղ ՀՀ Քննչական կոմիտեն հաղորդել էր, որ ավարտվել է գործարարի նկատմամբ հարկերից խուսափելու, փողերի լվացման, առանձնապես խոշոր չափերով գույքի հափշտակության հատկանիշներով հարուցված քրեական գործի նախաքննությունը: Նրան մեղսագրվում են նաեւ իշխանությունը զավթելու կոչեր։
