Արմինֆո.Հենց հիմա դրամարկղերում առկա են Գյումրիից Լառնակա ավիատոմսեր՝ մեկ ուղղությամբ 2 եվրոյով։ Այս մասին ապրիլի 15-ին ՀՀ Ազգային ժողովում կառավարության հետ հարցուպատասխանի ժամանակ հայտարարել է ՀՀ վարչապետ Նիկոլ Փաշինյանը՝ խոսելով բնակչության բժշկական ապահովագրության մասին, որից սկսել են զանգվածաբար օգտվել երկրի կենսաթոշակառուները։
Վարչապետի խոսքով՝ դրանով իսկ կենսաթոշակառուներն ընդամենը 90 դրամով կարող են լինել Լառնակայում, այսինքն՝ իրենց թոշակով մեկնել Հունաստանի հանգստավայրեր (խմբ.՝ Կիպրոս)։ Միևնույն ժամանակ, ինչպես նկատել է Փաշինյանը, հարցը նույնիսկ նոր ֆինանսական խնդիրների մեջ չէ, այլ ստեղծվող նոր հնարավորությունների։ Վարչապետն ընդգծել է, որ երբ խոսքը վերաբերում է նվազագույն սպառողական զամբյուղին, դա չի նշանակում, թե այն հաղթահարելով՝ գործընթացը կանգ է առել։ Ճիշտ է, կան նաև գնաճային երևույթներ, որոնք կապված չեն ներքին խնդիրների հետ։ Փաշինյանը համարում է, որ 63 տարեկանը լավագույն շրջանն է ոչ թե թոշակի անցնելու, այլ փոքր բիզնես սկսելու համար։ Նրա առողջության համար գործում է համընդհանուր բժշկական ապահովագրության համակարգը, միևնույն ժամանակ կենսաթոշակների չափը չպետք է պակաս լինի նվազագույն սպառողական զամբյուղից։
Վարչապետը մատնանշեց ՀՀ կառավարության կողմից մշակվող աջակցության ծրագիրը, որն ուղղված է կենսաթոշակառուների տնտեսական ակտիվացմանը, որոնց կառաջարկվի զբաղվել փոքր բիզնեսով։ 63 տարեկանը լավագույն տարիքն է դրա համար, նշել է կառավարության ղեկավարը։
