Արմինֆո.Պուշկինի լեռնանցքում մեկնարկել են շրջանցիկ ճանապարհների կառուցման աշխատանքները։ Այդ մասին ապրիլի 16-ին ԱԺ լիագումար նիստում հայտարարել է ՀՀ տարածքային կառավարման եւ ենթակառուցվածքների նախարար Դավիթ Խուդաթյանը։
Նրա խոսքով ՝ այդ ճանապարհների շինարարության ավարտից հետո կսկսվեն բուն թունելի արդիականացման աշխատանքները։ Ընդհանուր առմամբ, 2025 թվականին վերանորոգվել և կառուցվել է 504 կմ ճանապարհ, ևս 265 կմ ճանապարհ կարգի է բերվել սուբվենցիոն ծրագրերի շրջանակում: Ճանապարհային դեպարտամենտի լաբորատոր հետազոտությունների համաձայն, անցած տարի իրականացվել է կառուցված ճանապարհների որակի մոնիտորինգ, որը համապատասխանում է միջազգային բոլոր չափորոշիչներին։
Խուդաթյանը հաղորդել է նաև դեպի Գյումրի տանող ճանապարհի շինարարության ավարտի մասին, որը "Հյուսիս-Հարավ" ավտոտրանսպորտային միջանցքի մաս է կազմում: Նշված ծրագրի շրջանակում աշխատանքներն իրականացվել են 34 կմ Աշտարակ-Թալին ճանապարհի հատվածներում, Ագարակի հնագիտական հուշարձանը շրջանցող 8 կմ ճանապարհահատվածում: Արդիականացվել է նաև Լանջիկ-Գյումրի ճանապարհի 37 կմ հատվածը: Ապրիլի 19-ին տեղի կունենա ավտոերթ, որի շրջանակում նշված ճանապարհը շահագործման կհանձնվի:
Շարունակվում են նաև Սիսիան - Քաջարան 60 կմ երկարությամբ ճանապարհի կառուցման աշխատանքները տրանսպորտային միջանցքի հարավային հատվածում: Այդ նպատակով սկսվել են մրցութային ընթացակարգերը, իսկ Քաջարան - Ագարակ ճանապարհի շինարարության աշխատանքները կատարվել են 45%-ով։ Տվյալ հատվածում փորված է 2 թունել, 15 կամուրջներից 14-ի վրա կատարվում են համապատասխան աշխատանքներ ։
Նշենք, որ անցյալ տարվա մարտի 18-ին Հայաստանը եւ ԱԶԲ-ն ստորագրել են 236 մլն եվրոյի վարկային համաձայնագիր "Հյուսիս-Հարավ" փոխադրամիջանցքի Սիսիան-Քաջարան ճանապարհի հարավային հատվածի կառուցման համար։ Համաձայնագրի շրջանակում նախատեսվում է կառուցել 27.1 կմ երկարությամբ ասֆալտբետոոնե ճանապարհ՝ կայուն բարդ կլիմայական պայմանների և աղետների հանդեպ, ինչը թույլ կտա կրճատել Սիսիան-Քաջարան ճանապարհի երկարությունը։ Արդյունքում՝ կկրճատվի ուղեւորությունների տեւողությունը, կավելանա տրանսպորտային միջոցների երթեւեկության միջին արագությունը, կբարձրանա ուղեւորությունների հարմարավետությունն ու անվտանգությունը։ Սիսիան - Քաջարան շուրջ 60 կմ երկարությամբ նոր ճանապարհահատվածի շինարարությունը, ներառյալ Բարգուշատի թունելը, սկսվել է 2025 թվականին։ Աշխատանքները կիրականացվեն երեք ենթաբաժիններով․ հյուսիսային հատված ՝ 27,12 կմ երկարությամբ, Բարգուշատի թունելի հատված՝ 8,65 կմ երկարությամբ, և հարավային հատված՝ 24,25 կմ երկարությամբ: Ընդհանուր առմամբ, ճանապարհի երեք ենթաբաժինների կառուցման համար նախատեսվում է ծախսել 708 մլն եվրո վարկային միջոցներ: Սիսիան-Քաջարան 60 կմ երկարությամբ նոր ճանապարհը կլինի տեխնիկական երկրորդ կարգի։ Այն կանցնի լեռնային բարդ ռելիեֆով, կներառի 27 կամուրջ ՝ 4,7 կմ ընդհանուր երկարությամբ, և 9 թունել՝ 12,5 կմ ընդհանուր երկարությամբ (Բարգուշատի ամենաերկար թունելը ՝ մոտ 8,6 կմ երկարությամբ): Այս նախագծով ավարտվել է միջազգային մրցույթի նախաորակավորման փուլը, որին մասնակցելու հայտ են ներկայացրել 23 ընկերություններ Եվրոպայից, Չինաստանից և այլ երկրներից: ԵՄ կողմից Հայաստանին տրամադրվող 2,6 մլրդ եվրո ֆինանսական աջակցության ընդհանուր փաթեթից առաջիկա հինգ տարիներին 600 մլն եվրոն կուղղվի Քաջարան-Սիսիան ճանապարհի կառուցմանը: Եվս 200 մլն դոլար կտրամադրի Կայունացման և զարգացման եվրասիական հիմնադրամը, 500 մլն դոլար արդեն հատկացրել է ԱԶԲ-ը։ 60 կմ երկարությամբ ճանապարհահատվածը կլինի 80 կմ/ժ հաշվարկային արագությամբ։
Հյուսիս-Հարավ մայրուղին անկախ Հայաստանի պատմության մեջ ամենախոշոր ենթակառուցվածքային նախագծերից մեկն է։ Այն կկրճատի իրանական և վրացական սահմանների միջև հեռավորությունը՝ 550 կմ-ից մինչև 470 կմ, կարագացնի տարանցումը երկրի տարածքով և կստեղծի նոր լոգիստիկ հնարավորություններ, ներառյալ Իրանից դեպի Սև ծով բեռնափոխադրումը:
