Արմինֆո. Հայաստանի Պետական եկամուտների կոմիտեում (ՊԵԿ) տեղի է ունեցել Կենտրոնացված մոնիթորինգի կենտրոնի պաշտոնական բացման և CertScan ծրագրի գործարկման արարողությունը։
Ինչպես հայտնում են գերատեսչության մամուլի ծառայությունից, նոր հարթակի ներդրումը զգալիորեն կբարձրացնի սահմանների անվտանգությունը՝ նպաստելով հնարավոր ռիսկերի և անվտանգության սպառնալիքների առավել արդյունավետ հայտնաբերմանը։ Միևնույն ժամանակ, ըստ աղբյուրի, կնվազեցվեն կոռուպցիոն ռիսկերը՝ մաքսային հսկողության գործընթացների թափանցիկության բարձրացման, օրինական առևտրի զարգացմանն աջակցելու և Հայաստանի սահմաններով ապրանքների անխոչընդոտ տեղաշարժի հաշվին։ Նշվում է նաև, որ նախագծի իրականացման ընթացքում հատուկ ուշադրություն է դարձվել մաքսային համակարգում արհեստական բանականության և մեքենայական ուսուցման տարրերի կիրառմանն ու ինտեգրմանը։
Նշենք, որ CertScan-ը առաջատար ինտեգրացիոն ծրագրային հարթակ է՝ մշակված S2 Global ընկերության կողմնակից, որը նախատեսված է ռենտգենյան սկանավորող զննման համակարգերի ավտոմատացման, վերլուծության և կենտրոնացված կառավարման համար։ Ծրագիրը Հայաստանի մաքսային համակարգում ներդրվում է 2026 թվականի սկզբից։ Նախագիծն իրականացվում է ԱՄՆ աջակցությամբ (EXBS ծրագրի շրջանակներում), որը տրամադրել է 3,5 միլիոն դոլարի դրամաշնորհ։
