Արդյունաբերության հատվածի երկնիշ աճն արագացրել է արդյունաբերական արտադրանքի գների ինդեքսի ընթացքը

Արմինֆո.  Հայաստանում արդյունաբերական արտադրանքի գների ինդեքսն արտահայտված բարձրացել է 2026թ. առաջին կիսամյակում՝ 2025թ. նույն ժամանակահատվածի համեմատ՝ 102,1%-ից մինչև 108,9%: Դա դիտվել է արդյունաբերության հատվածի տարեկան դինամիկայի 12,1% անկումից դեպի 10,8% աճ բարելավման ֆոնին՝ ապահովելով 1,5 տրլն դրամ ծավալ (4.1 մլրդ դոլար)։ Այդ մասին են վկայում ՀՀ վիճակագրական կոմիտեի նախնական տվյալները։

Արդյունաբերական արտադրանքի գների ինդեքսի համանման աճ է գրանցվել 2026թ. հունիսին՝ 2025թ. հունիսի համեմատ՝ 102,5%-ից մինչեւ 108,8%։ Դիտարկվող  ժամանակահատվածում արդյունաբերության հատվածի դինամիկան նույնպես շրջադարձ է կատարել դեպի 4% աճ (մեկ տարի առաջվա 1,2% անկումից)։

Հատկանշական է, որ դիտարկվող  ժամանակահատվածներում Հայաստանի սպառողական շուկայում արձանագրվել է գնաճ։ Մասնավորապես, 2026թ. առաջին կիսամյակում՝ 2025թ. նույն ժամանակահատվածի համեմատ, գնաճը կազմել է 4.6%, իսկ 2026թ. հունիսին՝ 2025թ. հունիսի համեմատ, գնաճը կազմել է 5.1% ՝ մեկ տարվա վաղեմության նույն ժամանակահատվածում, համապատասխանաբար, 3.1% և 3.9% գնաճային ցուցանիշների դիմաց: Ընդ որում, սպառողական շուկայում գնաճը, հիմնականում, պահպանվել է սննդամթերքի գների բարձրացմամբ. 2026թ. առաջին կիսամյակում 2025թ. նույն ժամանակահատվածի համեմատ՝ 7.5% - ով, իսկ 2026թ. հունիսին 2025թ. հունիսի համեմատ՝ 8.5% - ով, ինչը դիտվել է նաև մեկ տարի առաջ նույն ժամանակահատվածում, երբ սննդամթերքի գներն աճել են, համապատասխանաբար, 5.2% - ով և 6.2% - ով: Միաժամանակ, շարունակում են թանկանալ ծառայությունները՝ 2026թ. առաջին կիսամյակում՝ տարեկան 2,7% - ով, և 2026թ. հունիսին՝ տարեկան 2,5% - ով՝ մեկ տարվա վաղեմության նույն ժամանակահատվածներում, համապատասխանաբար, 2,9% - ի և 3,5% - ի դիմաց։

Հարկ է նշել, որ դա ուղեկցվում է Հայաստանում տնտեսական ակտիվության աճի արագացմամբ ՝2026թ. առաջին կիսամյակում  տարեկան 6,3% - ից մինչև 7,9%, իսկ 2026թ. հունիսին  2025թ. հունիսի նկատմամբ  աճի դանդաղմամբ՝ 8,6% - ից մինչև 7,7% ։ Զուգահեռաբար դիտվում է արտաքին առևտրաշրջանառության տարեկան անկման թուլացում. 2026թ. առաջին կիսամյակում՝ տարեկան 45% - ից մինչև 0,1%, իսկ 2026թ. հունիսին 2025թ. հունիսի համեմատ՝ 16,6% - ից մինչև 3,3%: Մասնավորապես, 2026թ. առաջին կիսամյակում արտահանման անկումը դանդաղել է տարեկան 52,8%-ից մինչև 6,7%՝ ներմուծման դինամիկայի 38,6% անկումից դեպի 4% աճ շրջադարձի պայմաններում, իսկ 2026թ. հունիսին 2025թ. հունիսի համեմատ դիտվել է արտահանման անկման արագացում ՝ 15,9%-ից մինչև 20,5%, և ներմուծման դինամիկայի շրջադարձ՝ 17,1% անկումից դեպի 8,6% աճ ։ (Դրամի միջին հաշվարկային փոխարժեքը 2026 թվականի առաջին կիսամյակում կազմել է 374,32 դրամ/1դոլար՝ մեկ տարի առաջվա 391,31 դրամ/1դոլարի դիմաց)։