Արմինֆո. Հայաստանի դաշտերում ոչ մի կիլոգրամ լոլիկ չի մնա՝ նչպես նախորդ տարիներին։ Այդ մասին լրագրողներին հավաստիացրել է ՀՀ էկոնոմիկայի նախարար Գևորգ Պապոյանը։
Հիշեցնելով ՀՀ կառավարության կողմից լոլիկի և տոմատի մածուկի ներկրման համար սահմանված ժամանակավոր սահմանափակումների մասին ՝ նախարարը նշել է, որ պետությունը կաջակցի տեղական լոլիկ արտադրողներին արտահանման կազմակերպման գործում:
"Աջակցության նման ծրագրերի շնորհիվ իրականություն չի դառնա ընդդիմության շատ ներկայացուցիչների երազանքը, թե՝ տոննաներով լոլիկ, ծիրան և դեղձ կմնա դաշտերում և այգիներում", - ասել է նախարարը:
Ընդհանուր առմամբ, նրա ասելով, այսօր Հայաստանը թարմ գյուղատնտեսական արտադրանք է արտահանում 25 երկրների շուկաներ։ "Այս պահին, մեծ հաշվով, որպես կառավարություն, արտահանման խնդիրը լուծել ենք", - ասել է Պապոյանը:
Անդրադառնալով հարցին, թե այդ դեպքում ինչու է հայկական կողմը շարունակում Ռուսաստանին կոչ անել վերացնել հայկական արտադրանքի ներմուծման սահմանափակումները, էկոնոմիկայի նախարարն ասել է հետևյալը. «Մենք չենք ցանկանում, որպեսզի ԵԱՏՄ-ը փլուզվի։ Մենք մտածում ենք ԵԱՏՄ-ի մասին, որովհետև դա մեր կազմակերպությունն է"։
