Արմինֆո.Հայաստանի արտարժույթի ներբանկային շուկայում օգոստոսի 21 - ին գնվել է 193.7 մլն դոլար՝ 364,93 դրամ/1դոլար միջին փոխարժեքով, և վաճառվել 179.7 մլն դոլար 365,40 դրամ/1դոլար միջին փոխարժեքով, ինչը նախորդ օրվա (օգոստոսի 20) առքուվաճառքի ծավալները գերազանցում է ավելի քան 4-5 անգամ՝ առքի փոխարժեքի 1,35 կետով աճի և վաճառքի փոխարժեքի 0,5 կետով անկման դեպքում: Ընդ որում, երկուշաբթիից մինչեւ հինգշաբթի՝ ներառյալ, արտարժույթի ներբանկային շուկայում դոլարի առքի ծավալը տատանվել է 27-42.4 մլն դոլարի, և վաճառքի ծավալը՝ 42.4 - 68.7 մլն դոլարի սահմաններում, իսկ փոխարժեքը երկու դեպքում էլ նվազել է։ Այդ մասին են վկայում Հայաստանի Կենտրոնական բանկի տվյալները։
Ընդհանուր առմամբ, օգոստոսի 17-21-ն ընկած ժամանակահատվածում արտարժույթի ներբանկային շուկայում գնվել է 335.6 մլն դոլար, և վաճառվել 388.4 մլն դոլար ՝ այդ ծավալների շաբաթական 2-2, 2 անգամ թռիչքով։ Հաշվետու շաբաթվա ընթացքում առքի միջին փոխարժեքը կազմել է 364,14 դրամ/1դոլար, իսկ վաճառքինը' 366,04 դրամ/1դոլար' նախորդ շաբաթվա համեմատ նվազելով, համապատասխանաբար, 0,37 - 1,12 կետով:
Մինչդեռ, Հայաստանի արտարժույթի միջբանկային շուկայում օգոստոսի 17-21-ն ընդամենը երեք անգամ իրականացվել են դոլարային գործարքներ, չնայած, որ դրանց շաբաթական 17 մլն դոլար ծավալը ընդամենը 3 տոկոսով պակաս է նախորդ շաբաթվա ցուցանիշից (17.5 մլն դոլար, շաբաթական 12 անգամ թռիչքով), իսկ միջին փոխարժեքը հաշվետու շաբաթվա ընթացքում նվազել է 366,73 դրամ/1դոլարից մինչև 365,37 դրամ/1դոլար: Սակայն արտարժույթի միջբանկային շուկայում դոլարային գործարքների առավելագույն ծավալն արձանագրվել է չորեքշաբթի (օգոստոսի 19 - ին)՝ 9,5 մլն դոլար։
Արտարժույթի մանրածախ շուկայում ս.թ. օգոստոսի 17-21 - ն ընկած ժամանակահատվածում դրամը սկսել է ամրապնդվել դոլարի նկատմամբ' 365,5 - ից մինչև 364 դրամ/1դոլար, զուգահեռաբար շարունակելով թուլանալ եվրոյի նկատմամբ' 421,5 - ից մինչև 423,5 դրամ/ եվրո, և տրամադրվելով ռուբլու նկատմամբ արժեզրկման' 4,14-ից մինչև 4,19 դրամ/1 ռուբլի: Մեկ տարի առաջ՝ 2025թ. օգոստոսի 21-ին դրամի փոխարժեքը դոլարի նկատմամբ կազմել է 382,5 դրամ/1դոլար, եվրոյի նկատմամբ՝ 446 դրամ/1եվրո, իսկ ռուբլու նկատմամբ՝ 4,75 դրամ/1ռուբլի, ինչը ներկայիս փոխարժեքների համեմատ վկայում է դոլարի, եվրոյի և ռուբլու նկատմամբ դրամի տարեկան արժևորման մասին, համապատասխանաբար, 5%-ով, 5%-ով և 12%-ով։
