Արմինֆո. Հոկտեմբերի 6-ին տեղի ունեցած մամուլի ասուլիսի ժամանակ հայտարարվել է Բարձր տեխնոլոգիաների ոլորտում համաշխարհային ներդրման համար Հայաստանի Հանրապետության 2026 թվականի պետական մրցանակի դափնեկրի անունը: Այս տարի մրցանակը շնորհվել է IBX", "Axiom Space", "Intuitive Machines", "X-energy" եւ "Quantum Space" ընկերությունների հիմնադիր և համահիմնադիր, ինժեներ և գործարար Քամ Գաֆարյանին:
Ասուլիսի ընթացքում ՀՀ բարձր տեխնոլոգիական արդյունաբերության և արհեստական բանականության նախարար Դավիթ Թադևոսյանը, Viva-ի գլխավոր տնօրեն Արմեն Ավետիսյանը և մրցանակաբաշխության կոմիտեի գործադիր խորհրդի և միջազգային ընտրող կոմիտեի աշխատանքների համակարգող, "Սինոփսիս Արմենիա" - ի տնօրեն Հովիկ Մուսայելյանը պատմել են մրցանակի նշանակության, առաքելության և այս տարվա դափնեկրի մասին:
Բարձր տեխնոլոգիական արդյունաբերության և արհեստական բանականության նախարարը նշել է, որ մրցանակաբաշխությունն իրականացնում է մի քանի կարևոր խնդիր․ բարձրացնում է Հայաստանի ճանաչելիությունը միջազգային տեխնոլոգիական ոլորտում և ընդգծում երկրի դերը գլոբալ տեխնոլոգիական օրակարգում:
"Չափազանց կարևոր է նաև, որ այս մրցանակաբաշխության շնորհիվ երիտասարդները հնարավորություն ունեն շփվելու լեգենդար անհատների հետ, առաջին ձեռքից տեղեկանալու ոլորտի զարգացումների և միտումների մասին: Նորարարության իրական արժեքը որոշվում է այն դրական փոփոխություններով, որոնք նրանք բերում են մարդկանց կյանք, և այս մրցանակն ընդգծում է հենց այդ գաղափարը: Ուրախ եմ, որ Հայաստանում արդեն 17 տարի կան նախաձեռնություններ, և ցանկանում եմ շնորհակալություն հայտնել բոլոր նրանց, ովքեր տարիներ շարունակ աջակցել են այս բացառիկ նախաձեռնությանը", - ասել է նախարարը:
Viva-ի գլխավոր տնօրեն Արմեն Ավետիսյանը նշել է, որ յուրաքանչյուր մեծ նվաճման հիմքում ընկած է մարդը, ով հավատացել է իր գաղափարին և համարձակություն է ունեցել կատարել առաջին քայլը: "Մենք ցանկանում ենք, որպեսզի Հայաստանի երեխաներն ու երիտասարդները մեծանան իրենց ուժերի նկատմամբ աաայդպիսի հավատով։ Որպեսզի, տեսնելով համաշխարհային աառաջնորդների նվաճումները, մտաածեն․ "Ես էլ կարող եմ դա անել", և որ Հայաստանը նրանց համար դառնա մի վայր, որտեղ նրանց տաղանդները պահանջված են, գաղափարները ՝ գնահատված, և մեծ ճանապարհը կարող է սկսվել հենց այստեղ: Այդ իսկ պատճառով Viva-ն արդեն 17 տարի աջակցում է այս մրցանակաբաշխությանը, Հայաստանը կապելով այն մարդկանց հետ, ովքեր ընդլայնում են հնարավորի սահմանները", - ասել է Արմեն Ավետիսյանը։
«Սինոփսիս Արմենիա»-ի տնօրեն Հովիկ Մուսայելյանն ընդգծել է, որ Քամ Գաֆարյանը լիովին մարմնավորում է մրցանակաբաշխության գաղափարախոսությունը: "Նրա հրաշալի ուղին ՝ Լուսնի վրա մարդկության առաջին քայլերից ոգեշնչված երեխայից մինչև տիեզերքի հետազոտման առաջատար, ցույց է տալիս, թե ինչպես համարձակ տեսլականն ու նորարարությունը կարող են նպաստել մարդկության առաջընթացին", - նշել է Հովիկ Մուսայելյանը:
Ասուլիսի ընթացքում նաեւ հայտարարվել է նաև, որ Քամ Գաֆարյանը Հայաստան կայցելի նոյեմբերին:
Քամ Գաֆարյանբ առաջատար դեմք է տիեզերական և բարձր տեխնոլոգիական ոլորտներում։ Նրա Axiom Space ընկերությունը, որը հիմնադրվել է NASA-ի հետ համատեղ, իրականացնում է առևտրային տիեզերական առաքելություններ և ուղեծրային ենթակառուցվածքի նախագծեր: 2024 թվականին Intuitive Machines ընկերության "Ոդիսևս" տիեզերական սարքը պատմական վայրէջք է կատարել Լուսնի հարավային բևեռային շրջանում ՝ դառնալով առաջին ամերիկյան տիեզերական սաաարքը, որը հասել է Լուսնի մակերեսին Apollo 17-ից հետո, և առաջին նմանատիպ առևտրային առաքելությունը:
Բարձր տեխնոլոգիաների ոլորտում համաշխարհային ներդրման համար Հայաստանի Հանրապետության պետական մրցանակը սահմանվել է 2009 թվականին ՀՀ նախագահի հրամանագրով: Մրցանակը շնորհվում է այն անձանց, որոնց տեխնոլոգիական, կրթական, կազմակերպչական կամ ֆինանսական ձեռքբերումները միջազգային ճանաչում են ստացել և զգալի ազդեցություն են ունեցել մարդկության առաջընթացի վրա:
Մրցանակաբաշխության նախաձեռնողն ու հովանավորը Synopsys ընկերությունն է: Viva-ն մրցանակաբաշխության գլխավոր գործընկերն է արդեն 17 տարի, իսկ նախաձեռնությանն աջակցում են ՏՀՏ գործատուների միությունը և "Հայաստան" համահայկական հիմնադրամը:
