ԱրմԻնֆո. ՀՀ շրջակա միջավայրի նախարար Համբարձում Մաթևոսյանի Նյու Յորքի հյուրանոցում մեկ շաբաթ տևողությամբ մնալը ՀՀ բյուջեին արժեցել է 4,543,000 դրամ: Համապատասխան տեղեկատվությունը տեղադրված է կառավարության կայքում:
Աղբյուրի համաձայն՝ Մաթևոսյանը մասնակցել է ՀՀ վարչապետ Նիկոլ Փաշինյանի 2026 թվականի սեպտեմբերի 19-ին ԱՄՆ կատարած աշխատանքային այցին: Նախարարը սեպտեմբերի 20-ից 26-ը մնացել է Millennium Hilton New York One UN Plaza հյուրանոցում: Հյուրանոցի ծախսերը վճարվել են նախապես և մեկ փոխանցմամբ՝ Արտաքին գործերի նախարարության պետական արարողակարգի ծառայության կողմից: Այժմ առաջարկվում է Շրջակա միջավայրի նախարարության արտասահմանյան գործուղումների համար հատկացված միջոցներից 4,543,100 դրամ փոխանցել Պետական արարողակարգի ծառայությանը՝ կատարված ծախսերը փոխհատուցելու համար:
Նշենք, որ ՀՀ կառավարությունը համաձայնել է այս նախաձեռնությանը՝ նոյեմբերի 12-ին հաստատելով որոշման նախագիծը:
