ԱրմԻնֆո. ՀՀ համայնքների զարգացման սուբվենցիոն ծրագրի շարունակության համար կհատկացվի 2.434 միլիարդ դրամ: Որոշումը կայացվել է ՀՀ կառավարության նոյեմբերի 12-ի նիստում:
Նախագիծը ներկայացնելով՝ ՀՀ տարածքային կառավարման և ենթակառուցվածքների նախարար Դավիթ Խուդաթյանը նշել է, որ նախաձեռնությունը նախատեսում է համաֆինանսավորել 34 ծրագիր հանրապետության 22 համայնքներում: Միջոցները կտրամադրվեն մարզպետարաններին՝ ներկայացված նախագծերի հետագա ֆինանսավորման համար: Մասնավորապես, 4 ծրագիր կիրականացվի արարատի մարզում, 7-ը՝ Արմավիրում, 8-ը՝ Գեղարքունիքում, 4-ը՝ Լոռիում, 2-ը՝ Կոտայքում, 1-ը՝ Շիրակում, 5-ը՝ Սյունիքում և 3-ը՝ Տավուշում: Աշխատանքները կներառեն ճանապարհների ասֆալտապատում, ջրամատակարարման և ջրահեռացման համակարգերի բարելավում, ոռոգման համակարգերի ընդլայնում և գազիֆիկացում: Նախարարը նշել է, որ պետական բյուջեից համաֆինանսավորումը տարբեր է յուրաքանչյուր առանձին նախագծի համար՝ 30%-ից մինչև 70%: Ընդհանուր առմամբ, սա ենթադրում է մոտ 35 միլիարդ դրամի ներդրումային պորտֆել, որի կեսը կտրամադրվի պետական բյուջեից, իսկ մնացածը՝ տեղական ինքնակառավարման մարմինների բյուջեներից։
Հիշեցնենք, որ հանրապետության համայնքների տնտեսական և սոցիալական ենթակառուցվածքների զարգացման նպատակով 2018 թվականին մեկնարկել է համայնքներին սուբսիդիաների տրամադրման գործընթացը։ Սուբսիդիաների հայտերի գնահատման միջգերատեսչական հանձնաժողովի նիստերում 2022 թվականին վերանայվել և հաստատվել է 363 սուբսիդիաների ծրագիր, 2023 թվականին՝ 273, 2024 թվականին՝ 242, իսկ 2025 թվականին՝ 204։
