Երեքշաբթի, 17 Նոյեմբերի 2026 19:15
Ալինա Հովհաննիսյան

Հայաստանն ու Իրանը քննարկել են էներգետիկայի ոլորտում համագործակցության ընդլայնմանն առնչվող հարցեր

Հայաստանն ու Իրանը քննարկել են էներգետիկայի ոլորտում համագործակցության ընդլայնմանն առնչվող հարցեր

Արմինֆո.Հայաստանն ու Իրանը քննարկել են էներգետիկայի ոլորտում համագործակցության ընդլայնմանը վերաբերող հարցեր։ Այդ մասին ասվում է ՀՀ տարածքային կառավարման և ենթակառուցվածքների նախարար Դավիթ Խուդաթյանի ֆեյսբուքյան էջում:

 

Աշխատանքային այցով Իրանի Իսլամական Հանրապետությունում գտնվող նախարարը հանդիպումներ է ունեցել ԻԻՀ փոխնախագահ Սեյեդ Համիդ Փուրմոհամմադիի, էներգետիկայի նախարար Աբբաս Ալիաբադիի և նավթի նախարարի պաշտոնակատար Համիդ Բովարդի հետ:

 

Հիշեցնենք, որ այս տարվա ամռանը, ըստ իրանական MEHR պարբերականի, Հայաստանն ու Իրանը պայմանավորվել են համատեղ էներգետիկ աշխատանքային խումբ ստեղծելու մասին: Այն ժամանակ դեռ Իրանի նավթի նախարարի պաշտոնը զբաղեցնող Մոհսեն Փաքնեժադը նշել էր, որ երկու երկրների միջև առկա էներգետիկ համագործակցությունը հիմնված է իրանական գազը հայկական էլեկտրաէներգիայի հետ փոխանակելու սխեմայի վրա: Այդ առնչությամբ նա հաղորդել է, որ Իրանը բնական գազի արտահանման ընդլայնմանն ուղղված նոր առեւտրային մոդել է առաջարկել:

 

Ըստ ՀՀ մաքսային ծառայության տվյալների՝ Իրանից Հայաստան առաջին կիսամյակում մատակարարվել է 228 034,1 խմ բնական գազ, ինչը 12,2 տոկոսով ցածր է մեկ տարվա վաղեմության ցուցանիշից, մաքսային արժեքի 11,5 տոկոսով անկման դեպքում ՝ մինչև 38,3 մլն դոլար:

 

Իրանից հեղուկ գազի մատակարարումներն աճել են մի քանի անգամ՝ 553,6 տոննայից մինչեւ 14 123,6 տոննա (10,2%), մաքսային արժեքի մի քանի անգամ աճի դեպքում ՝ մինչև 7,4 մլն դոլար: