Արմինֆո.Եվրասիական տնտեսական հանձնաժողովի հարթակում ապրիլի 20-ին և 27-ին ԵՏՀ էներգետիկայի և ենթակառուցվածքի նախարար Թեմիրբեկ Ասանբեկովի նախագահությամբ տեղի է ունեցել Եվրասիական տնտեսական միության պետությունների լիազոր մարմինների ղեկավարների խորհրդակցություն ՝ ԵԱՏՄ գազի ընդհանուր շուկայի ձևավորման սկզբունքային հարցերի քննարկման վերաբերյալ:
ԵՏՀ նախարարն ընդգծել է միության գազի ընդհանուր շուկայի ձևավորման մասին միջազգային պայմանագրի նախագծի համաձայնեցման ավարտի ընթացակարգի կարևորությունը, որը պետք է ստորագրվի այս տարի: Նա կողմերի ընդհանուր շահագրգռվածության վստահություն է հայտնել կառուցողական երկխոսության եւ փոխընդունելի լուծումներ մշակելու հարցում:
Հանդիպման ընթացքում կողմերը քննարկել են գազի ընդհանուր շուկայի ձևավորման մասին պայմանագրի, գազափոխադրման համակարգերին հասանելիության միասնական կանոնների և գազի բորսային առևտրի իրականացման կարգի չհամաձայնեցված դրույթները: Վիճելի մի շարք հարցերի շուրջ տարաձայնությունները հաղթահարվել են։ Լիազոր մարմինների ղեկավարները փաստել են բոլոր չկարգավորված հարցերի շուրջ շուտափույթ փոխհամաձայնության հասնելու անհրաժեշտությունը: Ասանբեկովը խորհրդակցության մասնակիցներին տեղեկացրել է ԵՏՀ կոլեգիայի հերթական նիստին միության գազի ընդհանուր շուկան կարգավորող ակտերի հետագա քննարկման մասին:
