Արմինֆո. Հայաստանը 2026 թվականի Wanderlust Reader Travel Awards մրցանակաբաշխության եզրափակիչ հավակնորդների թվում է՝ միանգամից երկու անվանակարգում։
ՀՀ զբոսաշրջության կոմիտեի հաղորդագրության համաձայն, երկիրը հավակնում է հաղթանակի Եվրոպայի ամենացանկալի երկիր (Most Desirable Country in Europe) եւ Ամենացանկալի զարգացող զբոսաշրջային ուղղություն (Most Desirable Emerging Destination) անվանակարգերում։
Wanderlust Reader Travel Awards-ը Միացյալ Թագավորության ամենահեղինակավոր և ընթերցողների քվեարկությամբ որոշվող զբոսաշրջային մրցանակաբաշխություններից է, որն այս տարի անցկացվում է արդեն 25-րդ անգամ։
«Քվեարկությունը բաց է մինչև հոկտեմբերի 27-ը։ Աջակցե՛ք Հայաստանին և քվեարկե՛ք մեր երկրի օգտին։ Հաղթողները կհայտարարվեն նոյեմբերի 4-ին՝ WTM London-ի շրջանակում», - նշվում է հաղորդագրությունում։
Նշենք, որ Կոմիտեի տվյալներով ՝ 2026 թվականի առաջին կիսամյակում Հայաստան է այցելել 14,8 տոկոսով ավելի զբոսաշրջիկ, քան 2025 թվականի նույն ժամանակահատվածում ։ Զբոսաշրջիկների ընդհանուր թիվը կազմել է 1.041 մլն մարդ։
Ավանդաբար, Հայաստանում նախընտրում են հանգստանալ ՌԴ (40%), Վրաստանի (15%), Իրանի (8%), ինչպես նաև Չինաստանի, Գերմանիայի, ԱՄՆ (2-ական տոկոս), Ուկրաինայի (1,5%), Ֆրանսիայի (1,3%), Իտալիայի (1,2%), Հնդկաստանի (1%) և այլ երկրների քաղաքացիներ:
