Արմինֆո. Հայկական ընկերություններն արտոնություններ կստանան Արաբական Միացյալ Էմիրությունների շուկա ծառայություններ արտահանելիս ։ ՀՀ Ազգային ժողովը հոկտեմբերի 28-ի լիագումար նիստում վավերացրել է երկու պետությունների միջև "Ծառայությունների առևտրի և ներդրումների մասին" համաձայնագիրը:
Ինչպես իր ելույթում նշել է ՀՀ էկոնոմիկայի նախարար Գևորգ Պապոյանը, փաստաթուղթը ստորագրվել է 2026 թվականի փետրվարի 5-ին Աբու Դաբիում իր և ԱՄԷ արտաքին առևտրի նախարար Թանի բին Ահմեդ Ալ Զեյուդիի կողմից։ Փաստաթուղթը ստորագրվել է, մի կողմից, Եվրասիական տնտեսական միության երկրների և, մյուս կողմից, ԱՄԷ-ի միջև կնքված համաձայնագրի շրջանակներում: Համաձայնագիրն ուղղված է ծառայությունների առևտրի և ներդրումային ոլորտի ազատականացմանը, խոչընդոտների փոխադարձ վերացմանը և տնտեսական գործընկերության խթանմանը: Հայկական ընկերությունները ԱՄԷ շուկայում հասանելիություն եւ արտոնություններ կստանան ծառայությունների 122 ոլորտներում (նախկինում հասանելի էր միայն 32-ը): Դրանց թվում են ՏՏ ոլորտը, հեռահաղորդակցությունը, առողջապահությունը, գիտատեխնիկական խորհրդատվությունը, սարքավորումների վերանորոգումը, քարտեզագրումն ու փոստային ծառայությունները։ Հայաստանն իր կողմից ընդլայնել է էմիրաթական ընկերությունների հասանելիության գծով պարտավորությունները՝ 102-ից հասցնելով 127 հատվածի։ Կողմերը նաև կխրախուսեն և կպաշտպանեն կապիտալ ներդրումները ՝ համատեղ նոր բիզնես նախագծեր սկսելու համար:
Պապոյանը նշել է, որ ընթացիկ տարվա 8 ամիսներին ԱՄԷ հայկական ծագում ունեցող արտադրանքի արտահանման ծավալներն աճել են 48 տոկոսով: Մասնավորապես, 3,7 անգամ ավելացել են ելակի և մոշի, 2,6 անգամ՝ ծիրանի, բալի և կեռասի մատակարարումները, աճ է նկատվում նաև այլ ապրանքատեսակների գծով:
Ընդհանուր առմամբ, ինչպես նշել է նախարարը, Հնդկաստան արտահանման ծավալներն աճել են 62% - ով (52 մլն դոլարից մինչև 86 մլն դոլար), ԵՄ երկրներ՝ 54%-ով (454 մլն դոլարից մինչև 700 մլն դոլար), ԱՄՆ՝ 8% - ով, Չինաստան՝ 78% - ով (431 մլն դոլարից մինչև 760 մլն դոլար):
